ATİB Azərbaycanı və Türkiyəni regionun və dünyanın inkişaf etmiş ölkələri sırasında görür və bunun üçün, öncəliklə Azərbaycan və Türkiyə arasında, daha sonra isə Azərbaycan və Türkiyənin digər ölkələrlə iqtisadi, sosial və mədəni əlaqələrinin inkişaf etdirilməsinin vacibliyinə inanır.

 
ATİB-in MİSSİYASI

ATİB Azərbaycanda fəaliyyət göstərən Türkiyəli və Azərbaycanlı iş adamlarını bir yerdə toplayaraq ölkələrin davamlı iqtisadi inkişafına nail olmaq istiqamətində səfərbər etmək, hər iki ölkənin sahib olduğu potensialından birlikdə istifadə etmək və üçüncü ölkələrdə ortaq tanıtım yolu  ilə bir SİNERJİ yaratmaq üçün qurulmuşdur.

 
ATİB-in TƏMƏL DƏYƏRLƏRİ

-   liderlik: öz sahəsində lider olan bir təşkilat kimi mövqelərini qorumaq və daha da gücləndirmək;

-   müstəqillik: fəaliyyətində bütün maraq tərflərinin ehtiyaclarını və maraqlarını nəzərə almaqla yanaşı, heç bir tərəfdən asılı olmamaq, müstəqil şəkildə öz strategiyasını və fəaliyyət planını müəyyənləşdirib icra etmək;

-   dürüstlük: xidmət benefisiarlarına və bütövlükdə cəmiyyətə qarşı dürüst davranmaqla öz müsbət reputasiyasını daim qorumaq;

-   ədalətlilik: baş verən hadisələrə münasibətdə və işçi heyəti ilə qarşılıqlı fəaliyyətdə bərabərlik və obyektivliyə nail olub məsuliyyət və səlahiyyətin optimal nisbətini tapmaq;

-   innovativlik: resurslardan istifadənin və fəaliyyətin səmərəliliyini artırmaq üçün daim yenilikləri öyrənmək və tətbiq etmək;

-   açıqlıq: yerli, regional və qlobal təşəbbüslərə çevik qoşulma, müxtəlifliklərə və fərqli münasibətlərə dözümlü yanaşma.