Azərbaycan Türkiyə İş Adamları Birliyinin (ATİB) İdarə Heyəti sədrinin müavini və Baş katibi Rəşad Rəsullu 14 iyul 2010-cu ildə Sahibkarlığın və Bazar İqtisadiyyatının İnkişafına Yardım Fondunun təşkilatçılığı və Beynəlxalq Özəl Sahibkarlıq Mərkəzi və Avropa Komissiyasının dəstəyi ilə keçirilən "Kiçik sahibkarlığın inkişafı yolları" mövzusunda konfransda çıxış edib.

"Biznes assosiasiyaları və onların kiçik sahibkarlığın inkişafında rolu" mövzusunda çıxış edən Rəşad Rəsullu Azərbaycanda biznes assosiasiyaların mövcud durumu, ölkəmizdə bu cür təşkilatların zəif inkişafının səbəbləri, onların qarşısında duran əsas problemlər haqqında danışıb, həmçinin Azərbaycanda iş adamları birliklərinin kiçik və orta sahibkarlığın inkişafı üçün həyata keçirə biləcəkləri məsələlərə toxunub. O, həmçinin Türkiyədə biznes assosiasiyalar və iş adamları birliklərinin fəaliyyəti və təcrübələri barədə də konfrans iştirakçılarına məlumat verib.